Já....ætli það sé ekki kominn tími fyrir  blogg..??..

Margt hefur á daga mína drifið síðan ég henti inn síðustu færslu....og ef við rennum svona yfir aðalatriðin.....

1.febrúar: Nemendamót Verzlunarskólans var haldið og byrjaði dagurinn klukkan 8 heima hjá Daníeli og hittumst við allur bekkurinn þar og borðuðum saman dýrindis bakarís bakkelsi. Eftir það þurfti ég að keyra með Helga J. nánast upp í sveit eða lengst upp í Grafarvog þar sem hann GLEYMDI miðanum á leikritið. Þaðan lá svo leið okkar niður í Austurbæ þar sem söngleikurinn Sextán var frumsýndur og verð ég að segja að hann hafi nú bara verið hin fínasta skemmtun. Eftir það skellti ég mér nú bara aðeins í tónastöðina og keypti mér gítarkassa undir nýja gítarinn, hentist með það heim og svo hitti ég megnið af bekknum á reykjavík Pizza Company....
Eftir það héldum við af stað í Kramhúsið þar sem við fórum í Crump dans tíma...og segi ég nú bara ekki annað en að þetta var eitt það fáránlegasta sem ég hef gert(en ágætisskemtun þó) við vorum þarna í klukkutíma að sparka og kíla útí loftið(dans?...tja veit ekki)....þaðan ætlaði ég að hendast upp í Grafarvog með Helga R. og drífa mig heim að gera mig til fyrir kvöldið...en annað kom á daginn....haldiði að það hafi ekki sprungið á drossíunni sem hún Tóta E lánaði mér(Dihatsu Charade..eðalvagn;)) og þurfti því Helgi(sem er sérfræðingur um bíla og viðgerðir á þeim) að skipta um dekk...gekk það vel og reddaðist allt saman... lítill tími til stefnu og hentist ég í sturtu, í jakkafötinn og af stað uppá Hótel Sögu þar sem við snæddum dýrindis kræsingar og þar sem undirritaður er vel mælskur var hann beðinn um að halda tölu yfir samkomunni og leysti það með sóma...eftir þessar kræsingar lá leið mín og Helga R. til Siggu Önnu systir Ólafs að ná í þann síðarnefnda..þaðan að sækja Helga B.(hvað eru eiginlega margir Helgar í þessari færslu?) og loks í fyrirpartý til Valla...  glæsilegt boð hjá honum og er nú komið að mestu skemmtun fyrr og síðar sem ég hef upplifað...NEMÓ ballið....tær snilld og þarf ekki fleiri orðum um það að fletta. Síðan tók við hálfgert leigubílastand á mér þar sem ég hentist í vesturbæinn, kópavog, garðabæ og hafnarfjörð með samnemendur mína og einnig 4 grindvíkinga. Klukkan hálf 5 kom ég heim og steinrotaðist..

6.febrúar....
Þann dag fæddist gullfallegt stúlkubarn og það sem meira er þá er móðir þess eldri systir mín Guðrún Sædís:P...gaman af því:P...

Síðan í gær vorum við í 2. og mfl. Grindavíkur að bóna bíla og mætti ég klukkan 9 um morgunninn upp í gula hús, þaðan niður í veiðafæraþj. að bóna...og var ég þar þangað til uppúr 19.(að undanskildum 15 min) fór heim í sturtu og kíkti svo um 20 aftur upp í veiðafæraþj. og voru menn enn að:S....þaðan upp í gula og svo á Kaffi Grindavík og skemmtum við okkur konunglega.....

Held ég að nóg sé komið af skrifum í dag og kveð ég að  sinni.
Jón Ágúst Eyjólfsson.

.....afmæli í dag

Já þennan dag fyrir 17 árum og 20 mínútum síðan gerðist sá merki atburður að undirritaður skreið í heiminn eftir erfiða og langa fæðingu......

Nú 17 árum síðar held ég þó ég segi sjálfur frá að það hafi ræst ágætlega úr mér..

Og já.....

........ÉG ER KOMINN MEÐ BÍLPRÓF

Já ég fór í gegnum prófið án alvarlegra mistaka.... og tókst mér að ég held eitthvað sem fáir ná að afreka en það var að fá villu í prófinu fyrir of HÆGAN akstur....

Já fínasti dagur að verða að kveldi kominn og er maður full mettur eftir ágætis kræsingar frá gömlunni...

Kveð að sinni.....Nýkrýndurbílstjóraljósabekkjastundarinn.....

.....Jón Ágúst Eyjólfsson!

Já....í dag er 18. janúar sem þýðir það að eftir 6 daga verður undirritaður kominn með leyfi til aksturs(ef allt gengur að óskum þ.e.s að ég nái prófinu).

Reyndar verður maður ennþá að notfæra sér strætisvagnana nema þegar Karen fer á sama stað og á sam tíma og ég þar sem ég hef ekki efni á að eiga og reka bíl eins og er.......

En já lítið að segja nema kannski það að NEMÓ er eftir tæpar 2 vikur og verður að segjast að mann sé farið að hlakka til......

....og já eitt enn....haldiði ekki að ég sé að fara að skella mér í ljós í fyrsta skiptið á ævinni :O......það verður eitthvað skrautlegt...

Enn að sinni kveður Tilvonandibílstjóraljósabekkjahóran;).....
Adios

Jahá...það er skollið á mann árið 2007 og vil ég óska öllum landsmönnum til sjávar og sveita gæfuríks árs og þakka ég gamalar stundir...

Lítið verið gert í þessu jólafríi sem senn er á enda annað en að éta..reyndar aðeins hreyft sig en þó ekki mikið.. en allavega fór ég síðasta miðvikudag í bóklega bílprófið og féll reyndar en tók það svo aftur í morgunn og flaug í gegn með 1 villu í fyrri og 1 í seinni...og þá er bara verklega eftir sem ætti nú alveg að ganga ágætlega og þá er maður kominn með prófið...

Skólinn byrjar aftur á morgunn og fer maður í kvöld inneftir og lýkur þá ánægjulegri 3 vikna dvöl minni í föðurhúsunum og einmannaleikinn í kópavoginum tekur við....

En nóg komið af röfli í mér...held að málið sé bara að fara að lesa Ballöðuna um hann Bubba ....

Að lokum segi ég nú bara gangiði hægt um gleðinnar dyr á árinu sem er hafið og veriði blessuð!

Já þá eru þessi blessuðu próf að baki og viðtekur jólahátíðin í öllu sínu veldi:P:P...

Ætli þessi jól einkennist ekki af áti og vinnu eins og hjá flestum....

Svo er bílprófið á næsta leiti og ætli 90 árgangurinn verði ekki síðasti jafnvel næstsíðasti árgangurinn sem fær að taka það 17 ára og keyra kraftmeiri bíl en 1300 vél þangað til 25 ára....sem er ágætt:P;)....aumingja Lolli frændi og fleiri þurfa bara að lifa við það að keyra a 1000 vél og ekki keyra eftir 20 á kvöldin held ég ...er samt ekki viss með þetta..

en endilega tjáiði ykkar skoðun á þessu bílprófs aldurs dæmi....

Veriði bara sæl;)

Já...nú er síðasti dagur nóvembermánaðar runninn upp og á morgunn hefjast jólaprófin:O.......

Já eins og dagsetningin gefur til kynna eru jólin á næsta leiti og þar af leiðandi verður maður að öllum líkindum staurblankur í upphafi næstu annar... en mér er spurn að einu...nú langar mig að vitna í dagsetninguna 30.nóv í 3. skiptið í þessu bloggi en nú vegna þess að á morgunn er 1.des og hef ég ekki orðið var við neina umræðu um sjónvarpsdagatal:O:S...hvernig er það er þessi forna hefð að vettugi höfð í ár? maður hreinlega spyr sig....ég man að maður sjálfur sem forfallið jólabarn þótti fátt annað skemmtilegt en að horfa á þessa 10 mínútna þætti frá 1.des til 24.des:S...Jóladagatalið verður samkvæmt mínum heimildum Stjörnustrákur sem á sínum tíma var alveg brilliant.....
Þakka ég karen fyrir þessar heimildir;)

En útí annað þá átti góðvinur minn hann Ólafur nokkur Ólafsson 16 ára afmæli á þriðjudaginn var og óska ég honum innilega til hamingju;)...

Og svo langar mig að deila því með ykkur að frá og með næstu helgi mun ég officaly alfarið flytja úr Efstahrauni 16 þar sem mamma og systkini mín flytja í nýrra áttbýlið við Ásabraut....

Þetta er nú svona allt sem fréttvænt er af mér...en næstu 2 vikurnar mun ég mjög líklega ekki blogga neitt vegna prófanna...en það breytir nú svosem ekki miklu:P....en allavega þá bið ég bara heilsa!!!!

BLESSAÐUR;)

Já....Vælið gekk mjög vel upp...Náði reyndar ekki verðlaunasæti en samt mjög ánægður með frammistöðuna.....Annnars voða lítið að frétta .....Þannig að þetta er held ég bara komið gott;)

Já eins og þær örfáu hræður sem leggja leið sína inn á þessa síðu mína hafa tekið eftir er frekar langt síðan ég ritaði inn eitt stykki færslu. En hvað á maður að blogga um?:S...það tala alltaf allir um hversu leiðinlegt sé að lesa blogg þar sem bloggarinn talar um það hvað hann er buinn að vera gera...ef maður a ekki að blogga um það hvað á maður þá eiginlega að blogga? 
Á maður að blogga eitthvað niðrandi um manneskju sem manni líkar ekki  við?
Nei...það er harla góð hugmynd.
En hvað með að koma með einhverjar heimspekilegar umræður um heimspekinga fyrri alda? Eða jafnvel bara pólítískar umræður?...
Nei ég ef að maður byrjaði á því þá held ég að þessar örfáu hræður yrðu ennþá færri!

En hvað er þá til ráða?..Ég meina ef maður rýnir aðeins betur í hlutina þá stendur t.d á blog central síðum "Dagbók" í aðalvalmynd og er þar átt við "Bloggið". Ef mér skjátlast ekki þá skrifar maður það sem á daga mans drífur í dagbók, þannig í raun og veru ættu öll blogg að fjalla um það hvað maður hefur gert af sér!! En endilega segið ykkar skoðun á þessu máli!

Allavega þá eru ekki nema 8 dagar í VÆLIÐ sem fyrir þá sem ekki vita er söngkeppni Verzló og verður hún haldin í Austurbæ. Svo á morgunn munum við 6 drengir úr 3a og 3g leika til úrslita í blakmóti skólans sem er gott...

Held að þetta sé nú bara orðið ágætt í dag og skal ég reyna að láta líða styttri tíma á milli blogga;)!

Blelli

Lítið að frétta hérna meginn fyrir utan það að eins og er er maður bara í vetrafríi í skólanum sem er ágætt..

Og svo var leikur í haustfaxanum hjá 2.flokk áðan gegn fh2 og má segja að við sýndum góðan karakter í leiknum en þegar það voru 20 mín eftir vorum við 3-0 undir en náðum á næstu 10 mín að jafna í 3-3 og þannig endaði leikurinn.. Siggi twin skoraði fyrsta markið okkar og mínútu síðar skoraði Óli B gullfalegt mark með frábæru skoti fyrir utan teig og það var síðan Emil sem skoraði jöfnunarmarkið.

Voða lítið annað búið að ske hjá manni undanfarnar vikur.

Adios amigos;)

Já þið segið það!?!.....ekki mikið buið að gerast hjá mér...



Á föstudaginn fór maður bara í skólan....svo klukkan 2 fór maður niður í hljómskálagarð að fylgjast með VÍ-mr deginum og var það nú samt ekkert svo mikið fjör en samt ágætt...reyndar missti ég af aðalmálinu sem var ræðukeppninn...það fór nú samt svo að mr vann keppnina en það verður að hafa það. Um half 6 leitið rölti maður útí strætóskýli og tók strætó á suðurlandsbrautina..þar fékk maður sér að éta á Trocaderos...verð nú að viðurkenna að ég hef nú bragðað betri borgara:S....svo lá leið mín í Lugardalshöllina að fylgjast með meistaraflokk kvenna leika við Keflavík og fór það svo að leikurinn vannst 106-86 og það var bara gaman....renndi svo til Grindavíkur...fór svo aftur á laugardaginn í Höllina en sú ferð var ekki til fjár eins og kvöldið áður þar sem þessi leikur tapaðist með álíka miklum mun og hinn vannst með...og því enn eitt silfrið fyrir stelpurnar...svo fór maður heim til pabba og um kvöldið skelltum við feðgarnir 3 okkur í snóker og vil ég helst ekkert ræða það nánar....svo var bara sjónvarpsgláp það sem eftir lifði kvölds.....
Á sunnudaginn vaknaði ég uppúr 9 og var mættur upp í kirkju klukkan 10 til að stýra sunnudagaskólanum í fyrsta skipti....ég verð að viðurkenna að það var skrítið að vera þarna án gítarsins en Rebbinn var reyndar á sínum stað:P....svo var bara lítið sem ekkert gert það sem eftir lifði dags...síðan brunuðum við Karen og Rína í bæinn og er ég þar enn....á miðvikudaginn ætlum við feðgarnir að skella okkur á Ísland- Svíþjóð og vonast maður eftir betri leik en þeir sýndu síðasta laugardag...


Nóg um það.....farvel og gangið hægt um gleðinnar dyr...


Adios amigos